薛凱琪（Fiona）趕拍電影《摰愛》後，又要灌錄該片的主題曲《愛》。昨日Fiona在新城接受訪問時說：「拍完電影要錄主題曲，但係時間好迫，我得番一日時間，噚日重係得番四個鐘錄。初頭錄嗰半個鐘，點都投入唔到，就係唱唔到嗰種滄桑感，咁我咪迫自己諗吓唔開心嘢，好似同男友分手，同埋工作壓力嗰啲。」至於有否諗起初出道時的是非？Fiona說：「是非？唔慘，好funny。」
幻想離婚
Fiona想盡辦法諗不開心的事，她說：「諗到冇嘢好諗，我就幻想自己結婚離婚，又結婚又離婚，終於成功投入到。之後我話畀個朋友聽，佢聽咗之後，都話掂，唱到好慘，好似死人咁。」
採訪、攝影：楊潔雯