肥仔明重披戰衣 - 李八方

  肥仔明重披戰衣 - 李八方

民主黨呢期聲勢大挫,最新民望重低過民建聯,唔再沖一沖喜,好難重振雄風。為咗攞個彩,佢哋已經決定派出喺九龍東都有一定fans支持嘅李華明,參加觀塘景田區區會補選,聽日就去報名,希望呢位師奶殺手重披戰衣,可以打敗其他黨派,為個黨爭番少少光。
得到黨內兄弟器重,肥仔明同八方話有一定壓力,但當然會盡力而為,佢重話會搵梁家傑助選,等個後台都勁啲。
近期迪士尼嘅負面新聞,同民主黨一樣咁多,身為經濟事務委員會成員嘅肥仔明,好希望可以開個特別會議討論一吓,點知竟然有人反對,激到肥仔明紮紮跳,最後決定親自去信葉澍堃,要求局長解釋。

傳真︰2623-9278
電郵︰[email protected]