李彩華（Rain）近日正忙於拍攝內地劇《阿有正傳》，她與扮演男朋友的張衞健有一些親熱鏡頭，二人亦會有親吻戲份，但阿Rain表示不會介意，因為過往參演過多套劇集或電影，幾乎全部都有親嘴鏡頭，她已習以為常。
李彩華（阿Rain）日前返回南海，繼續拍攝內地劇《阿有正傳》，她與張衞健扮演一對情侶，而劉曉慶則是張衞健的母親。
咀到慣唔當真
問到阿Rain與劉曉慶合作的感覺？她說：「我遲啲先同佢有對手戲，始終佢係前輩，我都有一定壓力，但我都想同多啲呢啲前輩合作，咁自己嘅演技都會有進步。」
阿Rain早前跟張衞健合作過電視劇《功夫足球》，二人再度合作，駕輕就熟，但這次兩人扮情侶，問阿Rain可有親熱鏡頭？阿Rain說：「我哋會有咀戲，不過都係點到即止，我同張衞健都熟，所以拍起來都唔係好尷尬。」阿Rain頓一頓後又說：「其實都唔明點解，我拍過咁多部戲同劇集，差唔多每一套都要『咀咀』，不過我都咀到慣晒，都係拍戲啫，又唔係真。」
中秋內地拍劇
此外，阿Rain要在內地拍劇度過中秋節，未能與家人人月兩團圓，她說：「都係工作啫，都習慣咗，家人都會明白同諒解，遲啲返嚟咪食番飯囉。」
採訪：比華利
攝影：陳偉權
服裝：SistyrMoon
髮型：Daniel@HipHairCulture
化妝：Omixb@Headquarters
