八方前晚喺中環見到張堅庭同李純恩等人，提到周日二萬九千人迫爆廸士尼，搞到場面混亂兼市民投訴，身為人父嘅張堅庭馬上有反應，但係都幾三級。
佢話：「迪士尼話晒都係香港人嘅資產，真係唔想見有咁多負面新聞，不過要玩、要食、要屙都要等咁耐，唔通要啲細路迫爆膀胱咩。」張堅庭有三個細路，佢話要湊三個小朋友入去玩真係唔掂，至於財爺唐英年話嗰日係專登放咁多人入去，張更痛罵呢個言論認真差，「即係話打完人兩巴之後問人痛唔痛啦，完全冇政治智慧，唔怪得啲人話佢冇機會做下任特首啦，今次又扣分啦，我睇怕佢真係要去上吓啲學講嘢嘅課程先得。」
傳真︰2623-9278
電郵︰[email protected]