現在全世界也是以包裝宣傳行先，所以Marketing（市場學）尤其重要；各運動品牌也是一樣，對宣傳大員的要求也愈來愈高。很多人跟我說希望投身運動品牌行業，但打算拋個身之前，請聽聽我近年以傳媒身份參加各項活動，觀察到各位公關大員必須具備的條件。
文：H
全天候工作時間：等總公司conferencecall，唔該七點半返到公司，九點開會；喺夜晚九點唔該，Event（活動）梗係紅日搞啦，唔係搵鬼睇！所以兩、三個月冇假放都係閒事。
同無謂人打交道：包括一些甚麼總會、甚麼藝人，甚麼傳媒（包括我），能巧妙避過他們𢱑「七折卡」、「限量鞋」、「免費飛」的大膽要求下，仍和你合作愉快！
要同無謂人打交道
諗橋：例如麥基迪訪港，最後Logo「起火」；「垂老」渣巴重演踢李小龍（件衫）一幕；LBJ訪港用Hummer遙控車送鞋，結果架車上斜冇力！不過最失敗都莫過於米高佐敦上年台灣行，只係亮相九十二秒事件，最後搞到一鑊泡！
做「阿四」：球星來港專屬工人及大會指定「發爛渣」對象，安排shopping/clubbing/model等等；當球星發脾氣耍大牌，仍要笑住講SorrySir！當然，就算你幾鍾意佢，唔可以攞簽名或合照，這才是Professional。
以上就係各宣傳大員的大概的工作模式，仍然有意「獻身」的，可留意其網頁Career一項有冇空缺。暑假完畢後，以上各位「鐵人」將養精蓄銳，迎接每年十一月NBA開鑼的籃球鞋大戰。