無綫新劇《翻新大少》演員歐陽震華和康華等昨日在鴨寮街玩尋寶遊戲宣傳，引起街頭騷亂，康華被數十隻奇手亂摸，歐陽震華更無辜被鴨寮街老闆娘臭罵他「搞搞震冇幫襯」。
無綫新劇《翻新大少》一班演員包括歐陽震華、楊思琦、向海嵐、康華和曹永廉等，昨日到深水埗鴨寮街宣傳，但一眾演員與監製鄺業生竟齊齊遲到約半小時才到場。
大叫混亂
穿上吊帶低胸裙的康華，成為全場焦點，拍攝大合照時，監製鄺業生在咪前點名叫康華企在前排，然後踎低，現場隨即有位阿伯興奮地揚手大叫說：「係啊！康華，低啲，踎低啲。」其後一眾演員在鴨寮街玩尋寶遊戲。
事後康華表示尋寶途中，有很多不知名的手摸過她，她說：「咁混亂，有好多隻手都唔知邊個摸，我都唔知今日宣傳要出街買嘢！」對於被阿伯大叫踎低，她說：「嗰個阿伯我見過佢好多次，我去好多地方佢都喺度，係我fans。」
要求退貨
而相當投入玩尋寶遊戲的歐陽震華，第一時間跑到一間賣電子用品舖頭買電筒和圓形大鐘，及找他需要的東西，豈料給老闆娘喝道：「唔好亂搞，畀錢啊！搞搞震冇幫襯！」其後歐陽震華折返舖頭要求退貨，老闆娘馬上背着歐陽震華說：「冇啊！冇得換啊！」歐陽震華對此說：「我唔覺得尷尬，我成日係咁，人對我冇禮貌，我咪對佢冇禮貌，佢重坐地起價，買電筒又冇電。」
採訪、攝影：楊潔雯
