生長於中產家庭的女孩子，大學畢業後在一間上巿公司身居要職，四年前毅然離港，隻身跑到尼泊爾生活，並在當地搞起旅行社，最近更反過來向港人推介西藏遊，故事傳奇。
同港街坊打招呼無人睬
主人翁吳倩冰憶述，遠赴尼泊爾生活的種子於中學時代萌芽。她說自幼愛旅行，中學時已跑遍中國，八九年她與同學一行三人到尼泊爾旅行，便愛上那裏的風土人情，「之後我喺一間上巿公司做，做到幾高位置，做做吓再唔想過呢啲生活，九八年辭職唔做。」
離職後，她毅然離港遠赴尼泊爾，但連她也想不到一住便是四年多，「我留喺首都加德滿都附近嘅城巿樸卡拉，住喺湖邊，生活好寧靜。」她說當地人天性率直純真，人窮但好客，「見到陌生人佢哋都會打招呼，請人家到屋企飲杯茶。」吳倩冰其後機緣巧合，在湖區百無聊賴認識了BoomerangTravel旅行社的老闆，便做起旅遊生意來。她說，近年返回香港住在黃埔花園十分不習慣，「以前喺尼泊爾撞到陌生人會笑吓，打吓招呼；我落街慣性同我唔識嘅街坊打招呼，但冇人睬我，好似當我儍嘅。」
本報記者