私人住宅喺一手帶動下，價格持續向上，實力唔夠但又想上車嘅，只好退而求其次，諗啲二手居屋，不過原來賣價都唔係咁平㗎。 美聯小西灣分行營業經理尹滿輝話，小西灣居屋富怡花園三座中層K，五百二十一呎，望山景，剛喺自由市場以一百四十八萬成交，呎價二千八百四十一。睇番好似九龍灣德福花園呢啲舊樓，有啲造價重平過居屋。聽講買家因喺附近返工，所以買嚟自住。富怡花園樓齡有十年。