新人林苑早前由內地來港發展音樂事業，學習瑜伽操弗「S」身形，她又嘲笑香港女性為減肥，身材如未發育的小孩，毫無美感。
獲曾志偉提攜的樂壇新人林苑即將推出個人EP，早前她日以繼夜在錄音室灌錄唱片，令她深感壓力，近日她在好朋友介紹下，學習瑜伽減壓。林苑說：「瑜伽動作雖然好慢，但係好講求呼吸速度，對於練氣好有幫助㗎。」林苑覺得香港女性為了減肥，令身材變得毫無美感，她說：「我喺街上見到好多女仔都好瘦，佢哋咁瘦都成日話要節食，而且佢哋嘅身材好似未發育嘅小朋友咁，冇晒線條，其實女仔最靚嘅身形應該係『Ｓ』形。」
林苑隻身來港發展，在港亦沒有太多朋友，所以她會做運動解悶，林苑笑說：「我一行街就會花錢，再咁落去，未出碟都用晒啲錢啦，做運動又唔使好多錢，而且做瑜伽可以好好鍛煉自己嘅意志力，所以我一有時間就會去練習。」
每日提腿結實臀部
為了擁有「S」身形，林苑每日都會做提腿動作，她說：「我自知上身就唔會符合『S』身形啦，同埋東方女仔嘅臀部比較扁，我為咗令patpat結實啲，細個已經開始做提腿動作，希望可以令個patpat結實啲同蹺啲，因為我覺得蹺蹺哋嘅patpat係最性感嘅。」
採訪：李珮洳
攝影：何榮亮
場地提供：PUREYoga
髮型：[email protected]
