侍應：「拍馬哈格實，請慢用！」拍馬哈格實？邊個嚟㗎？係咪有個擦鞋仔，鍾意拍老細馬屁，所以俾人改個咁騎呢的名呢？非也，拍馬哈格實其實是泰國帝皇的尊稱，唔係普通人可以叫㗎。剛開業的泰菜餐廳Sukhothai，大廚是泰皇御廚入室弟子，連環推出帝皇泰菜，畀你試吓做「拍馬哈格實」，享受泰皇御膳！
記者：梁學文
攝影：陳盛臣
Model：Bun（TheGroup）
跟御廚姨媽學藝
在灣仔剛剛開業的Sukhothai，由泰皇御廚親自教授泰菜技巧的正宗泰國人武哥（譯音）當御廚。早在廿年前，御廚武哥就跟他當泰皇御廚的姨媽學習烹調泰菜，所以對泰皇的御膳有深入的認識。由他所煮理的泰式帝皇菜，水準自然有保證。泰皇菜其中一個特色是用上乘的材料，這兒的材料大部份都是由泰國入口，武哥說：「因為喺香港搵唔到我要嘅靚料，所以佢哋會喺泰國入貨，每個禮拜三次，有8成的原材料和調味料都係來自泰國。好似大蝦，香港的蝦再新鮮都不及用泰國的料靚。」武哥亦強調：「我哋重唔會用味精，淨係會用少少雞粉調吓味，保證你食得健康。」
料靚造型正
帝皇菜一來要料靚，二來要排得靚靚，因此賣相和造型一定要精美，因此這兒每一款帝皇菜均由御廚精心設計，款款賣相別致吸引。武哥：「叫得做帝皇菜的菜式，賣相一定要有睇頭，造型要靚。所以我每碟菜都會做得精美，唔靚我就寧願再排過，甚至唔出，無理由畀人客食得唔夠好。我當客人係皇帝服侍，畀個心服務佢哋。」武哥做事講究，一絲不苟的態度，一嘗其主理的菜式就感受得到。
帝皇藕莖鮮蝦炒飯
$75/$65（素）
在泰皇的皇宮入面，四圍都有很多蓮塘，所以就有御廚想到用蓮做菜。以前泰皇的蓮葉飯只會用白飯，經武哥改良後就加入炒飯，令這道菜的口感更佳。這裏的炒飯當然是選用了泰國香米，飯粒特別爽口。鮮蝦炒飯香口，鮮蝦入味之外還彈牙。還用香茅作裝飾，令炒飯外形精美外，還增加一分清香味。此菜尚有素菜版本，不落蝦炒一樣香口。
帝皇椰香炒大蝦$138
在古時的泰國，所有靚材料不是出口，就是留給泰皇享用，一般平民無機會食。不過現在，你就可以在這裏試吓這款以前得帝皇至食到的椰香炒大蝦。椰香是來自新鮮的椰汁、椰牛和椰油，當中的椰奶更是用上第一造，味道更香更濃。造型上，師傅將4隻大蝦叠放，中間拱起，原來是模仿泰皇的皇宮來設計，夠晒特別。大蝦入口帶少少辣，刺激你的胃口。
帝皇蝦餅$48
一般普通的蝦餅是圓圓的，畀皇帝食的又點可以跟平民的一樣呢？師傅特別把它切割成三角形，叠起上來就像泰國的寺廟，蝦餅立時變得特別。再配以用梅子、椰糖、泰蒜等材料製造的醬汁，味道比一般食蝦餅用的泰式辣醬來得有心思。
帝皇咖喱牛肉$72
這款帝皇咖喱是泰國第五代皇帝時由印度傳入的，當時印度和泰國往來開始頻繁，印度著名的香料就此傳入。當時的御廚就想到用印度咖喱，再混入泰國的香料，再加上椰汁，就成為帶有泰國特色的泰式黃咖喱。這兒的咖喱牛肉，就選用了澳洲牛肉和金錢𦟌，口感比一般牛肉更好。
泰式小食拼盤$108
這五款小食均出自泰國不同的地方，就像不同地區的官員入宮見泰皇。當中包括東北的齋凍卷、南部的蝦春卷、西部的香葉包雞、北部的串燒雞和中部的魚餅。每款均配合不同汁醬，味道特別！
南瓜布甸配芝麻芭菲$58
這款甜品雖然不是帝皇專有甜品，不過味道一流。師傅先把芝麻炒香，然後加入忌廉和呍呢拿籽調味，跟住入雪櫃雪凍，成美味的芭菲。而南瓜布甸就是把南瓜挖空，釀入用香蘭葉做的布甸再蒸熟。這款甜品一冷一熱，入口感覺特別。
食客有Say
Sukhothai（25987222）
灣仔港灣道30號新鴻基中心2樓
座位：100個
營業時間：12:00pm?:00pm，6:00pm?1:00pm
泊車：凡惠顧晚市，均可享有兩小時免費泊車
