自由黨呢期紅，八方同唔少黨員傾起佢哋嘅情況時，好多人都不約而同咁叫八方問吓林健鋒Jeffrey。點解Jeffrey咁得黨員睇重呢？原來係因為佢天性夠八卦，不論係黨內抑或黨外嘅小道消息，佢都會落足力去探索發掘，所以呢，有自由黨員封咗佢做「自八公」，即係自由黨嘅八公，都唔知好嬲定好笑。
當然，Jeffrey得到呢個封銜，係實至名歸，八方前日喺自由黨慈善首映禮上，只見林健鋒滿場飛，同啲來賓細聲講大聲笑，一有達官貴人到場，即時飛身護駕兼做攝石人，十足十係自由黨嘅大公關。
八方最尊敬八卦之人，全力支持Jeffrey繼續周圍八，得閒記得同行家吹吹水呀。
傳真︰2623-9278
電郵︰[email protected]