賭王何鴻燊及四姨太梁安琪昨日在澳門葡京出席澳博的「見證輝煌換發驚奇」活動，宣布多個有瞄頭的抽獎活動，其中包括由明日開始的中秋節活動。賭王與四姨太在9字紙牌旁合照，賭王笑說：「我最鍾意9呢個號碼嘅，中國人都話長長久久嘛，我喺屋企排第九，係九少，玩百家樂啦，就最好9點啦。」
昨日現場播出一段「澳博投籃奪寶贏大獎」的卡通片段，後段內的熊寶寶由四姨太梁安琪配音，四姨太說：「照稿讀唔係好難啫。」但賭王竟潑冷水說：「我對配音冇經驗，我覺得麻麻啫。」
同二姨太團圓
問賭王中秋節當晚會否走幾場與幾位太太度佳節？他鬼馬地回答：「去谷栢道二十五號呀（即二姨太藍瓊纓家），嗰晚唔使走幾間啦，月亮得一個，又要食月餅又要拜神，兩頭走點賞月呀？」