馬來西亞MITV電視台前晚為新成立的「美亞電影台」舉行開台晚會，還請來鄭中基和楊愛瑾（Miki）前往當地擔任開台嘉賓。可惜中基臨出門之際才發現護照不翼而飛，結果由Miki獨撐大局。 記者王連連馬來西亞直擊
馬來西亞MITV電視台最近新成立了「美亞電影台」，為隆重其事，有關方面除安排《龍咁威2之皇母娘娘呢？》打頭炮外，更專程邀請片中兩位主角，鄭中基和Miki前往大馬，出席於前晚舉行的開台晚會。
曾失回鄉證
然而晚會上只得Miki一人力撐大局，鄭中基卻不知所終。中基的經理人陳小姐解釋說：「鄭中基有小小烏龍，今朝佢出門口嗰陣搵本護照，點知搵極都搵唔到；原本佢諗住趕搭下一班機嚟大馬，但最終都搵唔到，要走去報失。其實佢都有前科，唔見過回鄉證㗎喇！」
至於獨撐大局的Miki，前晚穿上白色低胸裙亮相，頗為養眼，就連旁人經過亦向她投注目禮。對於中基因為遺失護照而缺席，Miki無奈地說：「我今朝先知佢嚟唔到，惟有代表Ronald（鄭之洋名）搞笑啦！不過我就冇佢咁叻喇！」問她可擔心被人頻頻敬酒時，Miki說：「唔驚，應該有同事幫我擋酒嘅，我飲少少都OK㗎！」
