《百法百眾》前晚請咗（右一、二）朱凱婷、蘇玉華同盧海鵬（左一）做嘉賓。朱凱婷因為之前主持過《香港直播》嘅財經節目，所以最近新城又搵佢主持財經台節目。朱凱婷話因為之前聽咗唔少專家教路，所以最近都有斬獲。佢話：「有次我喺灣仔食早餐，有班太太走嚟問我意見，重講晒成個投資計劃畀我聽，咁信我，梗係開心啦！」