【本報訊】淡水魚樣本持續驗出含致癌物孔雀石綠，但巿民對淡水魚的戒心卻已逐漸減退。漁農自然護理署昨日公布，早前抽查的十二個進口淡水魚樣本中，其中一個鯇魚樣本證實含微量孔雀石綠，每公斤含二點七微克。有業內人士估計，鯇魚樣本屢屢出事，與此魚夭折率高有關。
由上月二十日至昨日，政府累計已化驗了一百九十五個淡水魚樣本，當中十九個發現含孔雀石綠。
曾從事養殖工作的港九新界海外漁業商會理事長許漢文估計，由於鯇魚的夭折率高，所以令較多人使用孔雀石綠，「鯇魚擺十萬魚苗落去，得四、五成發育得好，一成唔好，其餘嗰啲都夭折晒，但係大魚畀十萬魚苗落去，有八成、九成養得好。」
他又稱，昨日淡水魚來貨達過往四成，約三百擔，即三萬三千斤，批發價亦由兩日前十至十一元一斤，降至九元五角至十元一斤，「個價叫做回順咗，早兩日賣出去要十六、七蚊，真係無錢賺，今日啲人（巿民）反應一般，叫做肯埋嚟買吓嘢，始終我哋賣啲平價嘢，都會有人食嘅。
青斑銷情未復原
香港鮮魚行總會理事長黃天雄指，巿民已對進食淡水魚恢復信心，銷量逐步回升，「超標係嗰少少，又唔係十幾個樣本都有，得一個半個，重要食得嗰幾両，無乜嘢嘅，過晒氣㗎喇！」他又稱，現時淡水魚的售價已接近出事前的水平。
早前台灣及泰國輸港的青斑，先後遭驗出含孔雀石綠，業界自願停售。香港海鮮業聯合總會主席李彩華說，昨日約有五、六噸青斑進口，是過往的七成，「（銷情）都唔係話咁好啦，因為本地推咗好多其他老虎斑、星斑呀出嚟，過幾日酒樓有啲酒席，就好啲囉。」
李彩華指出，現時青斑的批發價已由過往逾五十元一斤，回落至四十至五十元一斤。