香港迪士尼樂園雖然下周一才正式開幕，但城中不少名人藝人已急不及待率先參觀，鄧穎芝昨日到迪士尼工作兼遊玩，而宣萱則率先與家人入住迪士尼酒店，並大讚酒店服務不俗，老幼都很開心。
昨日下午二時許，宣萱與一位老人家手拖手離開還未正式開幕的香港迪士尼樂園，記者問她是否帶長輩到樂園遊玩時，宣萱說：「呢位係湊大我嘅奶媽，噚晚我同屋企人重住喺迪士尼酒店㖭，間酒店設施同服務都好好，大人同小朋友都玩得好開心！香港有迪士尼係一件盛事，所以成家人嚟行吓囉！」
「天氣太熱行唔晒」
問宣萱可覺得香港迪士尼面積太細時，她說：「之前我去過美國嗰個，今次嚟我都行唔晒，因為天氣太熱，所以陪老人家走先。」宣萱離開約半小時後，記者又碰見鄧穎芝和一班新城電台DJ，原來鄧穎芝是應新城邀請到迪士尼作戶外直播。
罰款無礙遊玩心情
鄧穎芝早前被控不小心駕駛案件前日宣判，在她求情下只罰款千五，不用扣分，對此鄧穎芝說：「心情冇乜嘢，今日有機會到迪士尼玩，覺得好緊張同好開心！今日我係自己揸車嚟嘅，我泊去停車場嗰陣，啲指示都好清晰，同埋啲職員服務態度都好好。」
鄧穎芝一踏進迪士尼，即急不及待試玩巴斯光年和SpaceMountain遊戲，猶如小朋友般興奮，逛過商店街選購精品後，隨即為新城直播節目作準備。
採訪：馬健華
攝影：何榮亮
