郭可盈昨日往銅鑼灣出席Olay新推出的護膚品活動，她表示擁有好的肌膚絕對讓女性的外表錦上添花，否則會大打折扣，她說：「夠瞓個人嘅皮膚真係好好多，同埋均衡飲食都好重要。以前我晚晚會飲一碗魚湯，𠵱家話有孔雀石綠就轉飲雞湯。」
問郭可盈其夫林文龍是否像她一樣注重肌膚清潔時，她說：「我前晚先至幫佢做facial，不過男人唔使太青靚白淨，有啲滄桑味重有型。」
澄清是正選
另外，張可頤因病辭演無綫劇集《上海傳奇》，有指由郭可盈執二攤頂上，她對此說：「我要澄清番，原來個角色就係搵我做先，不過我之前拍咗一百集劇，一早同公司請咗假休息，要執二攤都係佢（指張可頤）啦。」
採訪、攝影：MaggieFung