何韻詩近日忙於綵排音樂劇《梁祝．下世傳奇》，今日推出同名新專輯，而阿詩亦有份監製新碟。由於何韻詩希望在舞台劇前推出大碟，一班音樂人日夜趕工，阿詩亦疲憊不堪，她說：「之前幾個禮拜每朝十點排戲排到夜晚十二點，之後重要錄音，攰到人都癲，不過諗起隻碟面世又好興奮，乜嘢攰都無晒。」阿詩又稱自己和劉德華一樣是鐵人，她笑說：「我真係可以做華仔接班人。」
狂自轉險仆親
唱片公司斥資六位數字為阿詩拍唱片封套和內頁，HenryLau替阿詩設計了一件破繭衣和蝴蝶裙，破繭衣睇落似紙質，但其實很焗，拍攝時阿詩焗了幾個鐘，叫苦連天，導演要求阿詩不停自轉，她險些仆倒在地，阿詩說：「真係轉到嘔，好彩有工作人員扶住我，唔係就瘀死。」