契媽退休禮物最好有第二春 - 李八方

  契媽退休禮物最好有第二春 - 李八方

人稱「眾人契媽」嘅民政事務局常任秘書長李麗娟下個月就退休,自推行高官問責制後,契媽似乎刻意減少曝光,俾肥局長何志平出多啲風頭。
八方知道契媽一早想退休,但政府一直唔放人,結果佢足足畀咗九封醫生信煲呔,以示自己冇法子再頂落去,先搞掂煲呔畀佢提早告老歸田。
契媽係政府大公關,佢同唔少地區人士關係好好,八方聽聞退休前佢會巡迴十八區,逐一同各界友好講拜拜,聽日首先會到沙田,有關方面本來想送份大禮賀佢榮休,但諗嚟諗去都冇心水,因為契媽乜都有,最終有人提議送紮花畀佢,亦有人戲言契媽離開官場,最好嘅禮物就係有第二春,但呢樣嘢,旁人好難幫到手。
契媽同老友講,退休之後都唔慌得閒,事關佢應承唔少機構會幫手做義工,繼續發揮大公關功能,目前未有意思進軍商界。


爆料熱線:29290000、27860099
報料傳真:26239278
報料電郵:[email protected]