港府上星期俾深圳嘅所謂註冊魚場名單整到一鑊泡，深圳市長許宗衡噚日就率領二十名官員抵港訪問，不過唔係請罪，而係商討合作事宜，呢啲場合賓主都費事提唔開心嘅事，以免尷尬啦。
剛於今年六月當選深圳市長嘅許宗衡話，嚟到香港見到萬里晴空，相信香港前途一定美好。許市長應該知道，香港空氣污染同珠三角工廠同汽車排出廢氣有好大關係，近排內地鬧油荒，唔少工廠停工，汽車要排長龍先入到油，空氣自然清新啲啦。香港方面則由政務司司長許仕仁迎賓，講好說話自然出口成文，大讚深圳成立經濟特區廿五年，成績有目共睹。兩個老許互送高帽，大談日後兩地加強合作，八方認為講乜都假，快啲搞掂毒魚先啦。
爆料熱線：29290000、27860099
報料傳真：26239278
報料電郵：[email protected]