古天樂昨日在尖沙嘴出席「百事巨星古天樂限量肖像包裝慈善義賣」記者會，由他親筆簽名的五百樽全新肖像百事可樂，將在肯德基餐廳發售。
了解居民苦況
古仔剛由蘭州返港，此行是應百事之邀作親善探訪，古仔說：「今次去蘭州係探討當地欠缺水源嘅問題，我哋分別去過唔同嘅家庭，將探訪過程拍低，等大家關心蘭州人民冇水用嘅苦況，我自己重親自揸機拍咗段片，其中有個家庭好慘，個女人因為要去好遠嘅地方攞水，有一次俾架驢仔車壓到癱咗，每日瞓喺張床度，等老公返屋企。」
因為該次探訪，令古仔對生活有新啟發，他說：「原來生活真係可以好簡單，生活中嘅簡單就係一種幸福，當地人一年只有兩次收成，我去做探訪時，佢哋就用最好嘅食物招呼客人，好熱情。」
採訪、攝影：魯萍