名模LisaS.和陳嘉容等昨日在中環置地廣場Fendi店示範該品牌秋冬系列，主打的各式皮草利用高科技剪裁和用上打褶技巧，別具特色。LisaS.透露近期密密穿珠仔設計飾物，當然男友吳彥祖都有得益，他獲贈一隻戒指。
意大利名牌Fendi昨日在中環置地廣場店舉行二○○五秋冬系列時裝騷，由名模陳嘉容、LisaS.及JessieLeong等示範新裝。
昨日展出最注目的當然是品牌的驕傲之作——皮草，主帥KarlLagerfeld用上創意、高科技及特別剪裁於瑰麗的皮草上，包括令皮草帶點原始味、又用了打褶技巧及設計雙色皮草等，均令人一新耳目。而手袋及皮鞋系列，則用了釘珠特色，加添了一份女人味。
學過首飾設計
LisaS.表示兩年前學過首飾設計，最近趁空檔重拾針線穿珠仔設計鏈飾，她說：「我去深水埗買咗好多珠仔，周末周日已經穿咗八條鏈，我之前重設計過一隻戒指送畀Daniel（吳彥祖）㖭。」問LisaS.會否自己操刀設計婚戒？她說：「咁又唔得，鑽石戒指啲鑲鑽技巧好難㗎。」
行騷忙索鼻水
此外，昨日陳嘉容帶病上陣，她說：「我喺後台已經包咗好多『雲吞』，行騷時重狂索鼻水。」問陳嘉容有沒有去過迪士尼試玩？她說：「重未呀，我會同屋企人去，因為男友Ricky嘅salon新開比較忙，同埋男人對卡通人物又冇興趣。」
採訪：JessicaNgan
攝影：ChanChiLam
