韓國人氣偶像Rain（圖二）前日來港幫化妝品公司宣傳後，噚日去咗柴灣拍廣告。Rain好勤力朝早十點就同十個工作人員出發開工，但佢十幾個歌迷重勤力，八點就去到Rain下榻嘅酒店，可惜Rain故意喺停車場出入，唔俾歌迷同記者見。Rain拍嘢期間，工作人員拎住大包細包出現（圖一），但就唔見有午飯，唔通阿Rain減肥唔食飯？
