大型商場不斷搞優惠促銷，大家都見慣見熟，好多消費者都吼住，等優惠檔期先至去盡情購物。估唔到呢股風氣，吹到酒店商場，尖沙嘴喜來登酒店商場喜來登典雅坊商場，喺十一月底前，會搞個「時尚之旅大抽獎」，以信用卡消費滿指定金額，就可以換張即刮即獎卡，獎品之一，係雙人來回巴黎六日四夜機票連酒店住宿。