大陸彩票股似乎方興未艾，繼金屬電交易所（8161）、中國蜂業（8156）以及看通（1059）後，昨日又輪到漢基（412）話傾緊喺大陸合作搞福利彩票，昨日股價最高炒上0.125元，收0.119元，升11.21%，成交股數2.26億股，金額2706萬元。
經紀陳話，漢基早排先至大鑼大鼓話去澳門發展博彩業，家陣大陸彩票概念當炒，漢基又話傾緊合作計劃，果然有香港人轉身快的本色。家陣計劃詳情未知，都係當聽住先，反正呢系股票向來唔易玩。
至於看通，復牌後股價曾大幅波動，但最近就好似穩定番好多。經紀黃話，據講看通好勤力做推廣，輪流與基金經理同分析員會面，但暫時就未見到有大行報告出現，或者尚要等多一陣。至於出面嘅反應，經紀黃就話好參差，有人話好得，現價重未反映未來盈利潛力，但有人就話鍾意金屬電子交易所多啲。
看通冇起跌，平收0.73元，成交1603萬股，金額1180萬元。
慕容小初