對於內蒙古，香港人最熟悉的可能係一羊一牛，羊係「小肥羊」、牛就係「蒙牛」。「蒙牛」賣牛奶同奶類產品，近年發展迅速，賺好多錢，重在香港上市，帶挈唔少股民。
呢間蒙牛，老闆叫做牛根生，好威水。佢呢間民營企業，由九九年起步，五年間變成全國聞名公司，第六年做二百億生意，佢自己亦成為中國經濟界十大風雲人物。咁猛料，當然好有市場價值，八方睇一個網上廣告，話九月九號在北京有個講座，由牛老闆主講，分享佢創業經營嘅心得同哲學，呢個講座入場費每位盛惠二千八百人民幣。
二千八，係好多農民半年收入，但如果牛根生真係傾情點化，又未必貴。只係經過假魚塘假電話之後，八方對祖國一切都有啲懷疑，所以唔敢肯定呢類訓練班同講座係咪真有其事。
傳真︰2623-9278
電郵︰[email protected]