港股上周反彈，恒指重上15200之上，上月29日低位14734，係今次調整嘅底，機會已愈來愈大。
牛市中的一次小調整，由15509落到14734，下跌775點，幅度5%，跌幅基本上已可說足夠，但由上月16日開始的回落，只約3個星期，時間上則未夠，因此，未來一段時間，大市頗大機會打橫行，以拖長的時間來完成今次調整。
港股市底之強，出乎大部份人意料之外，通常一次調整多需時6至8個星期，但今次係資金市，大戶部署了大半年，營造一個大升市，家吓只係第一浪，調整係徇眾要求，所以時間可能不會那麼長，或者4至6個星期便會完成。9月中前後，大市會再發力，創出今年新高；藍籌可優先留意地產同電訊股，中資則係石油同保險股。
中油醞釀大動作
中石油（857）配售，市場反應比預期為佳，石油股可長揸。早日推介嘅中油（香港）（135），股價升到1.82元，走勢令人感覺到「有料到」，當然，油價不斷創新高，對中油好有利，而公司本身亦可能會有大動作醞釀中。
中油嘅走勢好靚，呢個多月形成一個大型上升三角形，一升破1.82元嘅阻力，照度上去，目標係2.35元。05年（12月年結），中油每桶實現油價保守估計上升40%，全年盈利可達13億元，每股盈利26仙，以PE8倍計，股價已可見2.10元。
銀建國際（171）嘅走勢係一浪高於一浪，上周四升上2.525元後出現調整，暫時受制50日線（2.46元），但10日線（2.37元）已上越20日線（2.34元），只要升破2.525元升勢便可獲確認，初步目標係3元。
銀建05年（12月年結）的中期業績，估計兩個禮拜內會公布（去年係9月17日），由於處理不良資產帶來可觀收益，估計中期盈利達2.5億元，比去年同期的1.25億元，增長近倍，而全年則可達6.5億元，每股盈利37仙，以PE10倍計，年底前股價可見3.70元，預期有50%的上升空間。
銀建正競投資產包，若短期內有消息，將可掃除市場的疑慮，股價將會有更強勢表現。
郭兆誠