電盈早排（農曆七月十四）公布業績，當中以now寬頻成績比較突出。據聞，電盈上下都好happy，但最開心嗰位應該係一手湊大now同埋網上行嘅消費用戶市場高級副總裁梁德昇，因為JackSo前幾日向員工發出「依貓」，宣布升佢做電視同內容部門最高掌舵人。八方相信，呢個應該係昇爺一生中最難忘嘅盂蘭節！
其實，真係抵昇爺紮職嘅，無論係網上行同now，都畀佢搞到有聲有色，好似網上行最近又諗到新招，搞埋ICQ，畀網民免費「單撈」，免費幫啲客換埋個skin（即係ICQ個框架樣），重送埋HelloKittyHideandSeek禮物（圖）畀參加遊戲嘅用戶。昇爺話，透過呢個網上行ICQ，可以增加同客戶接觸機會之餘，重可以sell埋其他增值服務，又可以幫其他電盈產品賣廣告，條橋咁絕，係咪抵佢升呢！
傳真︰2623-9278
電郵︰[email protected]