蒸菜啫，好出奇咩，正一大鄉里！
班舊同事說要嘗試我親手種植、最原汁原味的有機蔬菜，於是我便把紅菜頭、生菜、青瓜等做沙律，再清蒸了兩斤菜心給他們吃，誰知他們一見到便呱呱嘈，話我煮成咁，浪費了這些「正菜」。真給他們氣壞，蔬菜淥得太久，水溶性維他命C便會流失，高溫煮食都會把營養趕走，所以清蒸最有益，不用任何調味已經很鮮甜，大部份吃有機食物的人都知㗎啦，係佢哋至大驚小怪啫！「其實，任何蔬果都可以生吃，唔信你試吓未煮嘅菜心。」「咪搞，我知以前啲野人茹毛飲血，都一樣唔死得。」最怕死的YY第一個耍手擰頭，其他人就鴉雀……咦，原來他們已大啖大啖在吃，喂，咪牛𡁻牡丹啦，我種得好辛苦㗎！雖說這些葉菜類需40至60日收成期，但還未計之前的工夫，找耕地、堆肥、孭樹下山、做田畦、播種……唉，有得食都冇人聽我講嘅！（一）阿花