莫文蔚昨日往中環IFC出席SalvatoreFerragamo秋冬時裝展及其《文丞武蔚》寫真集發布會，她自言為這寫真集走遍意大利、西班牙及西藏等地，更「瞓身」在蕭邦用過的鋼琴上擺甫士拍攝，當中不乏大膽性感照片。
莫文蔚（Karen）昨日往中環IFC出席意大利品牌SalvatoreFerragamo秋冬時裝騷，同場舉行她本月二十四日推出的寫真集《文丞武蔚》發布會，Karen表示走遍意大利、西班牙及西藏等地取景。
赴西藏過度活躍
問拍攝時有何難忘事時，Karen說：「最開心梗係可以去Ferragamo嘅博物館取景啦，有一個shot我係瞓喺蕭邦彈過嘅鋼琴上擺甫士，好在我輕，瞓喺琴上面都冇問題，同埋我喺意大利同西藏影相時都好凍，喺Ferragamo古堡影相時，溫度得三、四度，我重要着到好性感，凍到腳趾都結冰呀。
「喺西藏就要上山影相，成隊工作人員都患咗高山症，得我同另一個工作人員冇事，重通山跑。後來啲工作人員同我講，我通山跑呢種過度活躍嘅症狀，其實都係高山症嘅特徵之一。」
回港補大膽鏡頭
問Karen這本寫真集會否有大膽性感的照片時，她說：「都有㗎，有一個shot係返香港之後喺studio影嘅，雖然有遮有掩，但要見嘅肌膚都見到晒，拍得住我當年《全身莫文蔚》大碟封面嗰張相㗎。不過遮住遮住咁嘅性感，其實重有美感啦。」問她拍攝時是否感尷尬、有否清場？她說：「我同攝影師都好專業，唔使清場。」
採訪、攝影：RitaLeung
