新學年開始，教科書售價上漲，對於一眾弱勢家庭，子女的教育開支無疑更加沉重。兩單親媽媽，女兒開學，惟他們月入僅足餬口，根本無力購買女兒開學所需課本及校服，「每月餐搵餐食，想儲多個錢都好困難，喺邊度拎幾千蚊畀佢開學。」
個案一：
阿珍的女兒阿儀，現就讀中一，愛女喜獲派往區內第一志願中學，母女開心不已，惟連日來，阿珍不時為籌錢購買女兒開學課本、校服及物資惆悵。
書包爛返學鞋頂趾
她憂心地說：「早排先問朋友借錢買舊書，但因為唔少課本改咗新版，迫住一定要買新書，𠵱家重有啲書未買，另外佢嘅體育衫褲又未買；囡囡書包爛晒、呢兩對返學鞋又『頂趾』唔啱着。」
三十四歲的阿珍，早前與丈夫仳離，現獨力照顧十二歲女兒阿儀，她從事餐廳侍應，月入微薄。
阿珍歎道：「每月餐搵餐食，喺邊度拎幾千蚊畀佢開學？淨係呢啲新書、補充練習加起嚟要二千幾蚊，實在應付唔到。」
捐款編號：C1792
個案二：
面對女兒阿珊升中二，五十三歲的單親婦阿恩坦言承受莫大經濟壓力，她說：「我已經將囡囡讀中一嘅書拎去二手書店賣，然後用啲錢買中二嘅二手書，不過好多課本改用新版，售價又貴咗，根本買唔起。」
缺錢繳付書簿雜費
阿恩育有一名女兒阿珊，現年十三歲，丈夫原在酒樓從事廚房散工，惟一年多前，丈夫失業，其後更不知所終。阿恩曾報讀家務助理課程，盼自力更生，惟一直沒有獲聘消息，母女現靠親戚借貸度日。
近日阿恩被迫再次向親戚借錢購買新學年的二手及全新課本，惟她尚欠費繳付女兒開學的書簿雜費。阿恩表示：「除咗要畀書簿費之外，重有冷氣費、膳食同埋交通費，加埋要唔少錢，希望《蘋果日報》幫忙。」
捐款編號：C1471
蘋果日報慈善基金撥款三千元給阿珍，助她購買女兒開學所需物品，包括課本、校服、皮鞋、波鞋及書包；另撥款一千五百元給阿恩，助她繳付女兒的書簿雜費。
暖流熱線
電話：29908688
傳真：23702192
電郵：[email protected]
