楊千嬅、陳文媛（BoBo）、吳浩康同周麗淇等一班歌手噚日到奧海城宣傳安全性行為嘅訊息，佢哋重會幫港台錄製一套叫《愛「要有一套」》嘅廣播劇，千嬅重被委任為「安全大使」㖭。千嬅話做呢啲大使唔會尷尬，因為佢做過護士，所以就算要佢當街派避孕套，佢都相信自己係唯一一個女星唔會覺得尷尬，重好有說服力㖭。
上堂睇交配
而BoBo喺廣播劇中俾一個衰男仔要求用唔安全方式發生性行為，問佢現實生活中有冇遇過咁嘅衰男仔，BoBo話：「我遇到啲都係好男仔。」既然BoBo遇到啲咁好嘅男仔，咁佢以前嘅男友一定肯戴套啦，點知佢就即刻話呢啲太私隱，無可奉告喎。
至於吳浩康就強調自己係一個安全嘅人，因為佢覺得做足安全措施可以預防性病同意外懷孕。而周麗淇就話讀中三時上生物堂已經一睹人體交配嘅電影，搞到啲男同學個個嘩聲四起。
