等公務員事務局搵人頂到自己個位時，媽打李麗娟就會同政府講聲拜拜，開開心心過佢嘅退休生活。雖然𠵱家都唔知幾時會走得，但媽打已經買定飛去加拿大嘅機票，下個月就會飛去加國探吓逾八十高齡嘅母親大人。
點解一個工作狂會捨得離開佢嘅工作崗位？都係因為佢身體真係頂唔順，費事捱捱吓毛病重多，倒不如撇脫啲抽身離去，等第日煲呔要幫手時，自己做個大義工重好喎。
媽打早前同公益金買咗一大叠迪士尼飛送畀啲有需要嘅家庭，噚日重帶埋囡囡入去迪士尼走一轉。但係為免人太多搞到肚仔餓，媽打最後專登同囡囡走去深井食燒鵝醫肚，費事為咗食嘢而同人排餐死。
傳真︰2623-9278
電郵︰[email protected]