香港人嗜吃日本咖喱，因為帶點甜味易入口，日本咖喱加進大量蔬菜和肉粒，特別香甜。除了菜和肉外，還包括茴香、豆蔻、沙薑、胡椒、花椒、八角等。
日式咖喱在香港的Foodcourt幾乎不可或缺，但夠膽打正旗號的實在不多。因此開業兩個月左右的日式咖喱壹番屋，已經令人乍驚乍喜。據負責人透露，老闆在九州有一間二十多年歷史的Cafe，招牌菜正正就是日式咖喱。而調來香港的田中師傅現時仍駐守香港，遲啲會交晒畀徒弟負責。想試吓師傅嘅真功夫就要趁手。
記者試味：貫徹日本精神，菜式精緻，盡見心機。咖喱香甜，怕辣者最啱。
記者：盧家蕙 攝影：楊錦文
豬柳粟米芝士卷咖喱飯$53
是必試新搞作，因為真係抵食夾大件。豬柳粒粒金黃粟米和車打芝士一齊炸，豬柳香脆無比，濃郁的芝士味更令人回味。
漢堡扒咖喱飯$53
漢堡扒由日本批發而來，塗上豬扒汁、茄汁、糖後以網燒，鎖住了肉汁，入口更鬆化。
日式香腸咖喱飯$53
惹味的香腸，先煎後炸，咬落去鹹鹹哋，彈牙又Juicy，有啲似德國腸仔，外脆內軟。
咖喱壹番屋
地址：銅鑼灣謝斐道477-481號肇明大廈地下C舖
電話：25722323
營業時間：星期日至四12:00nn-12:00mn；星期五、六及假日前夕12:00nn-1:00am
註：每客咖喱奉送日本入口麥茶、自製足料麵豉湯，內有豬肉、甘笋、金菇。
