專門售賣外國食品的city'super九月初殺入新界沙田區，開設第四間分店，令不少沙田友以至新界人拍掌歡呼，據悉開幕當日，已有超過一萬人「參觀」選購，真係熱爆沙田。新店雖然與銅鑼灣旗艦店所出售的貨品大致相同，不過沙田店始終係新店，自然有啲新嘢係銅鑼灣店冇嘅，例如寵物專櫃就係其中之一。
記者：黃潔蓮 攝影：黃子偉
Models：Bonnie&Ivy（IG）
黃色法國廚具率先售
沙田店與銅鑼灣旗艦店雖然面積相若，不過感覺上較寬敞。「Ｕ」形設計的店面，左邊是超市區，售賣各種外國入口蔬菜、水果、肉類與海鮮；右邊是生活雜貨區，除了各種廚具及家庭用品，還獨家代理了Widget的浴室用品，LeCreuset的黃色廚具系列，koziol的七彩家品；還有分別來自法國、意大利和新加設的櫃位，又有寵物專櫃P2Accessories，引入日本進口的靚靚飾物與衣服，售賣各式貓狗飾物和食品等；PlantsPlants則是引入日本及歐洲等地的植物。
話明係入口外國嘢嘅超市，所以有好多貨品只有英文名，例如乾貨及生活用品部的價錢標籤。好在蔬菜和水果欄都會有中英文名對照，如遇有不明白，駐場的員工也會樂意講解及說明。
蔬果篇
來自日本、荷蘭與美國的蔬菜每日新鮮空運抵港，有些品種在其他地方好少見，所以價錢亦相對地昂貴。
蛋糕材料篇
除各種盒裝即製蛋糕粉之外，還有各種配料、蛋糕模及用具，都可以一次過買到。
零食篇
零食種類多多，日本入口的薯片口味多到每日食一款都要食兩星期。還有幾近絕迹的巨型百力滋和超巨型皮禮士糖都可以買到。
city'super
地址：沙田新城市廣場1期2樓204-214舖
電話：26930666
營業時間：星期日至四10:00am-10:00pm；星期五、六及公眾假期前夕至11:00pm（生活用品部於10:30am開始營業）