容祖兒將於下月二十六日至二十九日在紅館舉行一連三場的演唱會，這是她入行以來第四次於紅館開騷，以一個年僅二十五歲的歌手來說，成績確實驕人，但祖兒竟表示對個唱感到很緊張。
祖兒笑說：「我好似有精神病咁，個人變得好敏感，我每次開演唱會之前都會好緊張，兩個月前已經嚟料，所以一早就要keep好狀態，健身練氣唔在講，重要早啲合埋把口，唔講嘢嚟養聲。媽咪就會煲獨門靚湯畀我飲，就係木瓜煲魚湯，不過只係補我把聲，補唔到身材。」
以阿Lam為榜樣
由於祖兒年前曾受聲沙影響，喉部亦曾生繭，康復後祖兒更加愛惜靚聲，她笑說：「有次我問阿Lam（林子祥）點解咁少講嘢，佢就細細聲講話要養聲，我都要學習佢嘅養聲方法。」
祖兒揚言為以最佳狀態準備個唱，一早已向公司約法三章，在開騷前兩個月避免幕前演出，她說：「我聽公司講本來有兩部戲傾緊，但我唔想分心，亦都唔想傷聲，所以推咗。」