馬季又開鑼，不過，今季港台聲言水緊，斬咗個甚受歡迎嘅賽馬節目，馬迷被迫只有聽晒商台。
乜搞賽馬資訊真係咁燒銀紙？《香港商報》係今年五月開始，已經因為馬版開支大而成個版執咗，希望可以慳番啲皮費。不過，呢個世界永遠係小財唔出大財唔入，一份報紙點可以忽然間冇晒馬經，實跌紙啦。
果然不出所料，呢張幾年前由《深圳特區報》takeover嘅老牌報紙，喺中港兩地嘅銷量齊聲叫跌，八方聽聞佢哋面臨一個好大嘅抉擇，究竟份報紙何去何從？因為實際上，由接過李祖澤個波以來，已經蝕唔少。
八方總係覺得好似《香港商報》呢啲中港都可以賣得嘅報紙，有好大優勢，特別係搞財經冇咁政治敏感，就更應有得做。
傳真︰2623-9278
電郵︰[email protected]