手作仔:做小裁縫設計熊服

手作仔:做小裁縫設計熊服

無理由要熊啤啤光着身體咁羞家,Wing姐姐要班小朋友發揮自己的創意,利用碎布、珠片、毛球等幫熊熊做各式各樣的衣服,好似皇冠、披肩、寶劍……總之想做甚麼便做甚麼。

布碎變披肩

將閃令令的布碎,剪成長方形,再用膠水黐實。

雪條棍做劍

身為熊仔要顯現威猛形象,一於用雪條棍做劍,然後貼上配飾,寶劍出鞘!

★身為小熊公主,無理由光脫脫,一於整件靚衫畀你着!

絲帶蝴蝶結

用珠片絲帶綁個蝴蝶結先。再用粉彩在牛皮上繪畫面部表情。

俊俊王子

一身透視裝,配死光劍,搶晒鏡。

淇淇公主

粉藍色裙配粉紫披肩,粉色配搭,暈得人一陣陣。