李嘉欣前晚穿上總值逾七萬元Gucci新裝往灣仔睇騷，她到達時心情甚好，與記者大談皮草經，問她買皮草時有沒有問龐維仁的意見？嘉欣說：「我買咗皮草咁多年，我都識嘢嘅。」那會否避嫌不穿龐維仁太太開設的IceHouseFur？她說：「順其自然，唔會刻意避。」
儀態盡失
記者再問有人形容嘉欣是第三者，她開始𤷪𤺧說：「人哋講乜我控制唔倒，感情嘅事好微妙，唔係話愛就愛。」但龐維仁母親龐盧淑燕曾不客氣說不認識嘉欣，她說：「我一笑置之。」那會否尊重龐老太的言論？嘉欣扯火說：「你（指記者）不斷咁講，想我點講？我都話自己追求嘅嘢好簡單，冇你哋諗嘅咁複雜。」
其後嘉欣入場與郭富城和小美同坐，騷後嘉欣與城城等隨人潮進入派對區域，走在前面的鄭嘉穎和徐子淇邊行邊密斟，反觀掛着牽強笑容的嘉欣就獨自進場，但其後城城亦坐到她身旁咬耳仔，令她不致變成獨孤精。
