有關女性胴體的寫真集在市面成行成市，有業餘攝影師聯同四十名男性天體模特兒在過去三年期間，登山涉水，走遍香港不同郊野地點取景，結果在數以萬張攝影作品中精挑細選了二百多張結集成書；本身並非天體愛好者的攝影師Arthur說，無懼旁人用有色眼鏡看這本攝影集，「預咗啲人有其他唔同睇法，但我只係想將香港啲靚嘢畀多啲人睇。」
Arthur昨在其攝影集《Naturalize》記者會上表示，香港有不少靚景早已被人遺忘，他希望透過這本攝影集重拾市民的回憶，至於為何選擇男性天體模特兒作攝影集的主角，Arthur說，「因為我覺得男性胴體有力量嘅一面，亦都有溫柔嘅一面，同成個大自然好配合。」他又笑說：「唔通帶埋啲女仔去荒山野嶺影相咩，好危險。」
「同成個大自然好配合」
Arthur過去三年曾到過西貢、大嶼山及蒲台島等四十多個偏遠地點取景，拍攝期間從未遭遇過不禮貌對待。「曾經試過去瀑布影相，撞見啲年輕人，佢哋重同我哋一齊剝光豬玩水㖭，有啲男人見到，就會話大家都係麻甩佬，驚乜？」
二十六歲的Jeffrey是四十個天體模特兒之一，他表示，本身亦曾經在香港參加過一、兩次天體日光浴。「BB仔出世嘅時候都冇着衫啦，根本唔值得大驚小怪，亦都唔應該介意自己身體靚唔靚。」
這本被形容為全港首本糅合大自然美景及男性胴體美的攝影集售價可不便宜，每本售三百三十八元，只准十八歲以上人士閱讀，只在個別大型書店有售。
本報記者