谷祖琳和名模AnaR.前晚到尖沙嘴海港城，為資生堂全新彩妝品牌PNMaquillage作示範嘉賓，鄭融、胡定欣和唐文龍等亦有前來睇騷。不過，AnaR.的超性感裝束較她面上彩妝還要吸引，而真空上陣的她，更搶盡谷祖琳風頭。活動期間，AnaR.又應傳媒要求蹦蹦跳地做大動作擺甫士，完全不擔心走光，表現十分風騷。
減肥成功復出
AnaR.事後笑說：「我有乳貼，點影都唔驚！早排我肥咗時離開香港，𠵱家瘦咗先至行番騷！我做運動結果減咗七磅。」對於被AnaR.比下去，谷祖琳無奈說：「衫係大會提供，俾人搶鏡都冇辦法，唔通換咗佢咩！佢咁矚目都係因為件衫少布之嘛！其實我呢件都OK㗎，中間條罅都有小小嘢睇。」
