聽日係香港迪士尼公益日，中原同美聯兩大代理集團，各買咗一批門票，美聯以業績比賽方式分派門票，已經有咗結果，得獎嘅前線員工可以同親友開開心心玩番日。美記重喺內聯網發放迪士尼攻略，介紹點樣玩法最盡興，畀同事參考。聽講寫呢篇攻略嘅同事，上個禮拜日至去完迪士尼，聽日都會再去。