名模樂基兒、陳嘉容和連凱等前晚在中環演出時裝騷，alive成員連凱對於有報道指吳彥祖搭上其妻，他笑言若事件屬實，必會毆打對方。
滙豐銀行與IFC前晚在中環舉行「ParadedelaSeduction」時裝騷，展示Lanvin、Loewe、Kenzo及連卡佛等名店的○五秋冬裝，奢華高雅、型格性感一應俱全，由名模樂基兒、陳嘉容、吳嘉龍、LisaS.和連凱等示範新裝。
指無綫處事過敏
早前有報道指吳彥祖一拖二唱K，當中包括連凱太太，對此連凱說：「一啲都唔嬲，嗰日係我太太生日，大家喺KTV唱歌，若果係真，我會打佢啦，幾friend都唔得。」提到他們組成的alive因上過ChannelV，被無綫抽起在《勁歌金曲》的演出，連凱說：「TVB都做咗幾十年，應該開放少少，佢哋都有八成收視啦，唔好介意藝人上其他電視台囉！今次佢哋係過敏咗，唔係唔啱，係呢個方式做事有問題。」不過連凱表示若TVB再邀請alive演出，他們亦會出席，連凱說：「明天會更好！」
此外，剛從馬來西亞度假回港的樂基兒說：「同朋友去玩，補祝我生日，好開心。我一早呼籲朋友唔好送禮物，但最後都收到啲好鍾意嘅禮物，成班朋友重夾份送咗隻貓仔畀我。隻小黑貓同我隻芝娃娃狗仔好夾，相處得幾好。」
採訪：RitaLeung
攝影：HoWingLeong
