劉浩龍最近參加了由電台舉辦的保齡球賽，他日前專誠到淘大一間保齡球場練習，不過其技巧看來麻麻，姿勢亦不太正確，不過劉浩龍笑謂只要將保齡球樽全部擊倒便可，不需要任何技巧。
劉浩龍為了備戰由電台舉行的保齡球賽，日前抽空到球場練習，原來他已年多沒有打保齡球，為免在比賽時獻醜便要加緊練習。
手指尾必上蹺
當日劉浩龍不時打出全中的成績，不過其姿勢看來不太正確，他笑言過程並不重要，只要比賽當日能打到全中便可，他說：「我自己碌齡真係唔叻，而且身邊班朋友都唔係鍾意打保齡，反而去篤波就比較多。不過我勝在大力，所以好多時都可以全中，只要比賽當日keep住咁嘅水準就OK啦。」
劉浩龍表示每次打完保齡球會有一個小毛病出現，就是手指尾會不受控地向上蹺，要到第二日才能恢復原狀。
偷偷往打枱波
不過講到桌球這種運動時，劉浩龍即雀躍得多，原來他讀書時已經常與同學仔打枱波，但因當年很多人都覺得桌球室是一個龍蛇混雜的地方，所以他經常要瞞着母親打桌球，可惜每次都被母親發現。
劉浩龍笑說：「總之嗰時為咗去篤波就作啲藉口出嚟呃阿媽啦，但係波樓啲人個個都食煙，每次去完都好大陣煙味，所以就俾阿媽問到我口啞啞。」