本港有唔少車會，但大部份都分咗品牌或型號，會員如果換咗車，就唔能夠維持會員資格。最近又有一個新車會成立，名為「自動車大同盟」，特點係會員擁有咩車都可以成為會員，就算無車都可以，希望對汽車有興趣嘅人聚埋一齊活動同上網交流玩車心得，從而結識到各階層人士，擴闊生活圈子。
「自動車大同盟」已於8月28日成立，創會當日有超過80名會員同60部車出席，除咗美食自助餐外，更有「輪到即止」遊戲活動，會員會喺直路上加速前行，然後喺指定界線上煞車，時間最短者獲勝，各會員都好享受當日嘅活動，並表示日後會拉攏更多嘅朋友參與。
記者：袁國基
自動車大同盟網址： http://www.udrivers.com
查詢電話：81174303