廖碧兒日前動筆續約無綫，簽下為期五年的「賣身契」，雖然一度有傳她會在約滿後離巢，但事實證明廖碧兒甘願被綁，原因不過是公司可給予樹大好遮蔭的安全感，她還揚言五年內無意拍拖，並會轉型做女俠，一新耳目。
早前有傳廖碧兒在約滿無綫後將離巢發展，但原來近日她已悄悄動筆續約，賣身五年，由於她約滿後才三十一歲，故廖碧兒揚言要把兒女私情丟往一邊，在未來五年內全心全意工作，希望事業有成後才嫁人去。
渴求安全感
日前廖碧兒在中環接受訪問，問她是否已跟無綫續約時，她直認說：「係呀，雖然之前都有其他公司傾過，條件都唔錯，但我同TVB已經合作咗四年，公司一直好錫我，畀到我安全感。樂小姐（藝員部負責人樂易玲）好好，佢同我傾續約時都好關心藝人嘅諗法，重有珍姐（戲劇組高層曾勵珍）啦，因為佢係第一個畀機會我嘅人，安排我拍《皆大歡喜》，雖然嗰時我連中文都唔識睇，但係佢睇到呢個鬼妹仔都有啲嘢喎，佢個人好直，但其實好錫藝員。」
再問到廖碧兒對續約薪酬加幅是否滿意？她即笑說：「有加到，另外每年都會有得加，我好滿意。」廖碧兒又稱既已簽下賣身契，故暫時無意拍拖，她說：「拍拖係需要放時間落去，感情要培養，但我都畀唔到時間，咁會對人好唔公平，況且我都有男朋友陪咯，佢就係我隻貴婦狗Mac啦。」
廖碧兒過往在《律政新人王》、《心花放》及《皆大歡喜》等劇中均飾演儍大姐，但她表示在目前播放中的《妙手仁手Ⅲ》中飾演一個有內心戲發揮的角色，亦獲不少觀眾留意，故她正好趁着續約後改變戲路，轉做好打女俠讓觀眾一新耳目。
急急學功夫
廖碧兒說：「我下個月會開套古裝劇，我知中文未夠班，今次重要唔係拍搞笑，但公司都畀呢個機會我去試，畀我喺劇入面拍打戲，呢排我會先跟師傅學功夫，學一個月後至正式開工，我一定會努力嘅。」
採訪：朱倬誼攝影：陳偉權
髮型：Warden@ILColpo
服裝：SistyrMoon
場地：喜喜Club
