張文慈、任達華、alive、黃貫中及何超儀等前晚到尖沙嘴欣賞「拳皇爭霸─世紀之戰」的拳擊比賽，並由成奎安及錢嘉樂任旁述。
無緣做打女
原來圈中不少藝人跟隨陳國興師父學拳擊，張文慈也是其一，她前晚一身性感裝扮到場，看拳賽看得興奮時還掩面大叫，她表示師父讚她表現不俗，雖然不精但勝在夠大力，張文慈又說：「我同啲師兄對打，佢哋都錫住我，但有次俾個師兄打到腫晒。」
張文慈又說：「我諗住學咗拍戲用得着，點知冇人搵我做打女，不過師父教我踢男人要害，咁佢哋就冇抵抗能力。」
任達華學泰拳兩年，他表示自己身形健碩全靠這個運動，他說：「我打泰拳先咁fit，大家唔好妒忌，我想推廣呢樣運動，我好鍾意去泰國，成日都睇泰拳。」
