本身係科大校董嘅恒隆主席陳啟宗，一向喜做人之患，重經常去科大講課，今次佢唔止同學生交流，直情請埋佢哋入恒隆做見習。噚日喺恒隆業績記者會上，五個見習生被安排坐喺後排，睇住老闆點樣回應記者提問。
朗尼陳話，佢哋個個係「尖子」，其中一個會考攞7A。咁巴閉，八方當然要問清楚佢哋嘅來歷，原來三個港大畢業、一個中大、一個理大，至於讀嘅科目就個個唔同，包括建築、土木工程、市場學，重有一個讀政治㖭，睇怕呢個同朗尼陳最啱傾。佢哋同八方講，今個月先上班，會做兩年見習，喺呢兩年裏面會去唔同部門學嘢。
除咗有班「尖子」加盟，朗尼陳噚日重宣布，董事會委任咗高伯遒同伍綺琴兩名助理董事進入董事局，其中伍綺琴重係恒隆成立以來第一位入董事局嘅女將。
傳真︰2623-9278
電郵︰[email protected]