唔知係咪舊年選舉太辛苦，好多議員今年都去鬆番夠本，好似馬丁李柱銘，就同太太以及乖仔祖詒一家三口去玩轉瑞士。馬丁話，今次行程又上雪山，又遊湖，去咗成三個禮拜，好寫意，只係回程時遇上大雨，火車行唔到要轉搭一程巴士，好彩祖詒對火車行程好熟，最後離開險地。而有啲香港人就好唔好彩，被困山上，乜嘢交通都冇。祖詒同八方講，佢哋後嚟去咗英國轉機，點知撞正希思路機場前線人員罷工，滯留喺機場成十五個鐘頭，最後國泰同佢哋搵番其中兩件行李，佢阿媽嗰件要五日後先送回香港，算係不幸中大幸。
傳真︰2623-9278
電郵︰[email protected]