出爐「最上鏡小姐」鄧上文，從小已喜歡跟隨當藝人的父親鄧英敏接觸大自然。日前父女二人相約往西貢划艇及釣魚，玩得不亦樂乎。而鄧上文參選港姐期間，更獲父親傳授參選「三字經」，令她從容面對選美壓力。
應屆「最上鏡小姐」鄧上文（Shermon）日前陪伴父親鄧英敏到西貢划艇及釣魚，雖然當天偶有驟雨，但仍無損鄧氏父女的雅興，兩人先在岸邊釣泥鯭，雖然只釣到得手指般大小的魚毛，但已令鄧上文興奮不已，其後二人又向相熟船家租了一艘小艇出海，開心地愈划愈遠。
喜戶外活動
Shermon表示距離上次與父親出海划艇已有七、八年，她說：「細個去西貢好大陣仗，前一晚媽咪要幫我哋每個人執定好多嘢，我哋一家人都鍾意戶外活動，所以我由細到大都未試過擁有白雪雪嘅皮膚。」
有「屯門王子」稱號的鄧英敏是Shermon心目中的英雄，女兒對其划艇技術更是讚不絕口。鄧英敏指自己從小在屯門長大，最愛到附近的鹿苑划艇，他說：「以前陳寶珠、呂奇同蕭芳芳成日喺嗰度拍戲，嗰度有個湖，好多人去嗰度租艇玩。我細個冇錢租艇，咪幫個老闆划住隻艇計時間，叫啲租咗艇出去夠鐘而又未返嘅人返嚟，冇收人工㗎，有得免費划艇已經好開心。」
囑保持笑容
Shermon一向對演藝事業有濃厚興趣，由參選港姐至勇奪「最上鏡小姐」榮銜，均獲父親大力鼓勵，她說：「參選期間爹哋成日提我笑多啲，又叫我經常要記住大、中、小呢三個字，大代表要大方得體，中代表中庸之道同埋抱住平常心，小代表小心言行。」
採訪：卓美娟
攝影：何國豪
鳴謝：石氏遊艇服務